गीत |
आ जा राजा अब होली में , मौसम के मन बौराइल बा |
झूमे लागल सगरी सरेहिया , तोहरा बिन जिया अकुलायिल बा |
गेहुँवा के डलिया में चढ़ल जवानी , सरसों के लहरे चुनरिया |
मटर लहरा के मारे हिलोरा , चनवा के सजल दुवरिया |
महके लागल सगरे सरेहिया , देखि देखि मनवा लुभायिल बा |
आ जा राजा अब होली में , मौसम के मन बौराइल बा |
रहरी के बलीया गईल गदराई , मसूरी के आईल सुतार बा |
लेतरी के डलिया झुकी झुकी लहरे , जवुवा के देख निखार बा |
मौसम होला केतना सुहाना , होली के रंग में रंगायील बा |
आ जा राजा अब होली में , मौसम के मन बौराइल बा |
अमवा के डरिया में लागल टिकोरा , कोयल के हियरा उदार बा |
महुवा के कोंचा से महके बगिया , जामुन के आयील बहार बा |
वर्मा परदेशी बालम कब अईब , रहिया देखी नयना झुरायील बा |
आ जा राजा अब होली में , मौसम के मन बौराइल बा |
श्याम नारायण वर्मा
Recent Updates RSS Toggle Comment Threads | Keyboard Shortcuts
-
Shyam Narain Verma
Leave a Reply
-
Shyam Narain Verma
धान के पतई सर सर करे , मस्त हवा करेला जोर !
चल देख खेतवा के नजारा , पानी मारेला हिलोर ।
हरी हरी घसीयन के चढ़ल जवानी ।
रिम झिम बारिस चलावता घानी !
भींजी के खेतवा में होता किसानी !
परती खेत वालन कहेलन हरानी !
घेरी घेरी बरसे ला बदरा , पवन मचावेला शोर ।
चल देख खेतवा के नजारा , पानी मारेला हिलोर ।
मस्ती में झूमेला रहरी के डलिया !
अभी त आवता काँकर में कलिया !
मकई से कागा कहे आपन हलिया !
जोन्हरी व बजरा में आवेला बलिया !
हवा में रंग भरे लहरा के सांवा , साठी के बढ़ेला पोर !
चल देख खेतवा के नजारा , पानी मारेला हिलोर ।
झुकी झुकी सोहत में गावेलन गाना ।
मियाँ बीवी मिलि के लेआवेलन खाना !
रंग रंग के पाखी चली आवेलन नाना !
बैलन के पीछे गुस्सा में चलावेलन ताना !
वर्मा भींजेलन बरखा में झुमी के , सावन के आईल बा जोर !
चल देख खेतवा के नजारा , पानी मारेला हिलोर ।
श्याम नारायण वर्मा
Fatal error: Cannot redeclare show_comment_form() (previously declared in /home/anjoria/public_html/duniya/wp-content/plugins/spam-free-wordpress/comments.php:6) in /home/anjoria/public_html/duniya/wp-content/plugins/spam-free-wordpress/comments.php on line 9